دولانا

يېزا ئىگىلىك,ئۆسۈملۈك,ئورمانچىلىق,ئۇنىۋېرسال 山楂 shān zhāDئۇنىۋېرسال 红果 hóng guǒDئۆسۈملۈك 鸡距山楂 jī jù shān zhāDئۆسۈملۈك 红果 hóng guǒDئۆسۈملۈك 楂 zhāDئۇنىۋېرسال 山里红 shān li hóng

(ئى) shān zhā 山楂 شىنجاڭنىڭ ئۆسۈملۈكلىرى 野山楂 yě shān zhā بۇ ئەتىرگۈل ئائىلىسىدىكى يوپۇرماق تاشلايدىغان، دولانىغا ئۇرۇقداش، كىچىك دەرەخ ياكى چاتقال بولۇپ، ئېگىزلىكى ئىككى مېتىرچە كېلىدۇ، شاخچىلىرىنىڭ ئۇزۇن تىكىنى بولىدۇ؛ يوپۇرمىقى نۆۋەتلىشىپ ئۆسكەن، دۈگىلەك ياكى سوقىچاق، ئۈچكە چوڭقۇر يېرىلغان يېرىقچە يوپۇرماقلىرى ھەرە چىشىسىمان بولىدۇ؛ گۈل رېتى ئۇچىدىن ئۆسكەن، ئۆگزىسىمان، گۈلى ئاق ياكى سۇس قىزىل، شىرنىلىك مېۋىسى ئاچ قىزىل بولىدۇ. تاغلار ۋە دەريا ۋادىلىرىدىكى چاتقاللىقلاردا بولىدۇ. دورىغا بۇ ئۆسۈملۈكنىڭ مېۋىسى ئىشلىتىلىدۇ. بۇ ئۆسۈملۈكنىڭ مېۋىسىنى ياز ۋە كۈز پەسلىدە يىغىۋېلىپ، ئاپتاپتا قۇرۇتۇپ، سۇس سارغۇچ رەڭگە كىرگۈچە ياكى قارايغىچە قورۇپ تەييارلىنىدۇ. شىنجاڭ ئۇيغۇر ئاپتونوم رايونىنىڭ تاغلىق جايلىرىدىكى تاغ باغرى ۋە دەريا ۋادىلىرىدا ئۆسىدۇ. قۇرۇق ئىسسىق. توسالغۇلارنى ئېچىش، يەل تارقىتىش، تاماق سىڭدۈرۈش، تالنىڭ خىزمىتىنى ياخشىلاش خۇسۇسىيىتىگە ئىگە. ئەھۋالغا قاراپ 8 ~ 16 گرام ئەتراپىدا ئىشلىتىلىدۇ. 200 گرام دولانىنى 70 گرام ھەزىم ئېچىتقۇسى، سەككىز گرام قارا ئەندىز، 35 گرام تۇرۇپ ئۇرۇقى بىلەن قوشۇپ، يۇمشاق سوقۇپ تالقان قىلىپ، كۈنىگە ئىككى قېتىم، ھەر قېتىمدا 10 گرامدىن قايناق سۇ بىلەن ئىستېمال قىلىپ بەرسە، ھەزىم بۇزۇلۇش، قورساق كۆپۈش ۋە ئاشقازان كىسلاتاسىنىڭ كېمىيىشىگە مەنپەئەت قىلىدۇ. دولانا، ئارپا ئۈندۈرمىسى، ھەزىم ئېچىتقۇسى قاتارلىقلارنىڭ ھەر بىرىدىن 12 گرامدىن ئېلىپ سۇدا قاينىتىپ ئىچىپ بەرسە، ھەزىمنى ياخشىلاپ، ئاشقازاننى قۇۋۋەتلەيدۇ. 12 گرام كۆيدۈرۈلگەن دولانىنى، سەككىز گرام ھەزىم ئېچىتقۇسى، يەتتە گرام قورۇلغان ئارپا ئۈندۈرمىسى،تۆت گرام قۇستە، 10 گرام قانتېپەر بىلەن قوشۇپ، سۇدا قاينىتىپ ئىچىپ بەرسە، بالىلاردىكى ھەزىم بۇزۇلۇش ۋە ئىچى سۈرۈشكە مەنپەئەت قىلىدۇ. 70 گرام كۆيدۈرۈلگەن دولانىنى تۆت گرام زاراڭزا چېچىكى بىلەن بىللە قاينىتىپ، بۇنىڭغا مۇۋاپىق مىقداردا رەيھان شەربىتى قوشۇپ ئىچىپ بەرسە، تۇغۇتتىن كېيىنكى قورساق ئاغرىقىغا مەنپەئەت قىلىدۇ.