بەھرەيىن[كەسىپ تۈرى:]＞جۇغراپىيە＜[يەشمىسى:] بەھرەيىن دۆلىتى قاتار بىلەن سەئۇدى ئەرەبىستانى ئارىلىقىدىكى پارىس قولتۇقىغا جايلاشقان بولۇپ، بەھرەيىن ئارىلى ۋە يېقىن ئەتراپتىكى بەزى كىچىك ئاراللاردىن تۈزۈلگەن. يەر مەيدانى 622 كۇۋادىرات كېلومېتىر بولۇپ، ئەرەبلەر دۆلەت نوپۇسىنىڭ تەخمىنەن ％70تىنى، قالغىنىنى ئىرانلىقلار، ھېندىستانلىقلار، پاكىستانلىقلار، ئەنگلىيىلىكلەر ۋە ئامېرىكىلىقلار تەشكىل قىلىدۇ. ئەرەب تىلى دۆلەت تىلى بولۇپ، ئىنگلىز تىلى ئومۇميۈزلۈك قوللىنىلىدۇ. ئاھالىسىنىڭ كۆپ قىسمى ئىسلام دىنىغا ئېتىقاد قىلىدۇ، بۇنىڭ ％25تىنى سۈنئىي مەزھىپى، ％75تىنى شىئە مەزھىپى ئىگىلەيدۇ.[CRLF]بەھرەيىن ئارىلىدا مىلادىدىن 3000 يىل بۇرۇنلا شەھەر قۇرۇلغان. مىلادى Ⅶ ئەسىردە ئەرەب ئېمپرىيىسى بەسرە ئۆلكىسىنىڭ بىر قىسمى بولغان. 1507～1602- يىللىرى پورتۇيگالىيىلىكلەر بېسىۋالغان بولۇپ، 1780-يىلى مۇستەقىللىق جاكارلىغان. 1820-يىلى ئەنگلىيە تاجاۋۇز قىلىپ كىرگەن. 1971-يىلى 3-ئايدا ئەنگلىيە پارىس قولتۇقى خەلپىلىكلىرى بىلەن ئىمزالىغان بارلىق شەرتنامىلىرىنىڭ شۇ يىلى يىل ئاخىرىدا كۈچتىن قالىدىغانلىقىنى جاكارلىغان. شۇنىڭ بىلەن بەھرەيىن 1971-يىلى 8-ئاينىڭ 14-كۈنى مۇستەقىل بولۇپ، 12-ئاينىڭ 16-كۈنىنى دۆلەت بايرىمى قىلىپ بېكىتكەن (بۇ كۈن ئەمىرنىڭ تەخىتتە ئولتۇرغان كۈنى). 1989-يىلى 4-ئاينىڭ 18-كۈنى دۆلىتىمىز بىلەن دېپلوماتىك مۇناسىۋەت ئورناتقان.[CRLF]بەھرەيىننىڭ نېفىت زاپىسى 21 مىليون 230 مىڭ توننا، تەبىئىي گاز زاپىسى 201 مىليارت كۇپ مېتىر بولۇپ، دېڭىز بويىدىن يەنە مەرۋايىت ئېلىنىدۇ. بەھرەيىن ئىقتىسادتا نېفىتنى ئاساس قىلىدۇ. نېفىت كىرىمى دۆلەت كىرىمىنىڭ 2/1 قىسمىنى تەشكىل قىلىدۇ. ئۇندىن باشقا بەھرەيىندە ئوتتۇرا شەرق بويىچە ئەڭ چوڭ ئاليۇمىن تاۋلاش زاۋۇدى بار. بەھرەيىننىڭ تۇپرىقى مۇنبەت.[CRLF]ئاسالىق شەھىرى پايتەخت مانامى شەھرى. ئۇ مۇھىم نېفىت پورتى ۋە نېفىت چەككىلەش مەركىزى بولۇپ، مەشھۇر خەلقئارالىق پۇل-مۇئامىلە مەزكىزى بولۇش سۈپىتى بىلەن 60 مىليارت ئامېرىكا دوللېرىلىق بانكا كاپىتالىغا ئىگە.
